I told you it would be back!

Einigi vo eu händs scho ghört. Ich han es neus Hobby!

Tabakanbau. Ich han jo ufghört schnupfe, da ich n tolle Consulting Job agnoh han und ich mir dänkt han: “Ja bim chund chunnt da sicher ned guet mit bruner Nase umezlaufe…”

Ich hans au öppe e Monet Tabakfrei usghalte. Aber wie das so isch, hett bald e Ersatzdroge ane müesse.

Das wär bi mir jetzt de Snus. Snus chamer grundsätzli ned chauffe ide Schwiz. Mues ne also vo Schwede bstelle. Dur de liebi Zoll isch das aber unpraktikabel. Alternativquelle? Kautabak.

Kautabak hett genau di richtig konsistänz und gschmäck zumne unter d Lippe packe und wirkt glich wie de Snus.

Sones Dösli Kautabak hett bisher 6.50 gchostet (was brutal türer isch als de Schnupf… Es Dösli Xmas Schnupf chost 5 Franke (mit Mängerabatt) und es hebet knapp e Wuche. Es Dösli Kautabak hebet knapp 2 Täg…) jetzt fohts aber bi teil Verchaufsstelle ah 7.50 z choste. Also wirds langsam au z tüür.

Alternative? Sälber apflanze! Das isch sogar legal, solang i nachane de Tabak ned verchaufe! Witere vorteil: Weniger Flächi im Garte zum Rasemeie!! Awesome oder!

200 Tabaksame choste ca. 7 Franke (i ha mini online bstellt und so 9(!!) Franke Porto zahlt -.-)

Uf jedefall. D Same sind acho und wieni halt bin (relativ früsch vo dihei uszoge, absolut ned für jede fall grüstet) hani mer behälfsmässig useme Kaugummischächteli und Erde vo mim Baum es Ussaatbeet bastled. (Seht chli versifft us, aber funktioniert, wieni spöter na wird bebildere). Det hani nur paar sömli drigstreut (han eifach ned welle warte bisi richtigs equipment han ^^).

En Tag spöter hani denn sone richtige Geraniumbluemechübel gchauft mit Aussaaterde. Det sind denn die räschliche Same dri cho.

Mini Setzling sind jetzt scho sicher e cm gross und händ wunderschöni blättli *stolz* i lifere denn no föteli noche.

Spötistens nöchst Wuche dueni si denne Pikiere (due si quasi zur richtige Pflanze befördere, indem si in bode chömme, statt nur uf de Erde umeligge loh)

In 4-6 Wuche chömeds denn in Garte und de werdeds so awesome und gross und *raawr*

Stay tuned for updates!

Würklich!

Sett jederman(n) mal gläse ha!

Klick!

Oder ich han es Snob level up gha, je nachdem wie mers wott aluege…

Han am dsitig zum erste mal per Coop@Home bstellt. Hüt obe setts acho. Grad vorane isch de Liferschii per Mail cho, das wotti euch doch ned vorenthalte!!

Ihr froget euch sicher: Was zum Tüfel isch das uf dem Bild!!?? Hett da eine Lepra?? Und wieso verdammt isch d Bildqualität so miserabel???

Okay okay, ich beantwort euchi froge in chronologischer Reihefolg:

Was zum Tüfel isch das uf dem Bild!!??

Das isch mini Schultere.

Hett da eine Lepra??

Hm nei. Das sind verbrennige. Am beste i verzell d Gschicht ma vo afang a:

Vorgestern hani am 11i zacht dänkt: Hm, vilich sötti glich na znacht mache.

Also ab id chuchi, Brotpfanne ufe Herd und 2 Schnitzel usem Tiefchüehler gnoh. Öl id Pfanne und zrugg ins zimmer (S Öl muen jo erst no heiss werde).

Irgendwenn bini denn zrugg cho und han welle s Schnitzel id Pfanne legge… Bin na extra vorsichtig gsi, weils Fett ja so d agwohnheit hett chli z sprütze :)

Naja, uf jedefall hetts an dene Tiefchüehlschnitzel wohl na chli iis gha… Und naja, Wasser und Heisses Öl… Es isch denn uf jedefall so halbwägs alles explodiert und hett mi vo obe bis unde Vollgsprützt. Han jetzt Verbrennige ade Schultere, am Buuch, ade Bei (Ja verdammt, ich bin Nackt gsi!) am Hals und im Gsicht. Die im Gsicht sind zum Glück ned so offesichtlich, weili sofort öppe 20 Minute gchüehlt han und mitme Iiis Sack gschlofe han (Danke Militär für d Usbildig zum Thema verbrennige <3)

Die verfluechte Schnitzel hani de schlussändli trotzdem gässe. Grad z leid!!

Und wieso verdammt isch d Bildqualität so miserabel???

WTF isch das füre Frog?? Weilis znacht mit de Handykamera gfötelet han. Isch doch logisch. -.-

So. Und wer jetzt glachet hett ischn schlächte Mänsch!! :(

(Anm. der Red. im folgenden Beitrag wurden die Grössen L mit XS vertauscht)

Wies de Titel scho seit, ich bin Wächseldick.

Ich han mir ufgrund vo mim neue Astelligsverhältnis an die 15 Hemmli bimne online shop bstellt. Alli vode gliche billigmarke (da liit de wohl de knackpunkt :P).

All die Hemmli sind ide grössi XS, meh bruchi ja au ned. Und tatsächli, 10 vo dene Hemmli sind super, passe wie agosse, ned z gross, ned z chli sitze super ade Schultere. Aber die paar blaue woni bstellt han… Frächi sieche! Wenni ufrächt stahne sinds grad no okay. Aber sobald i anehocke und min Muskelbepackte Waschbrättbuch sich usbreitet, druckets und ziehts wie es Korsett!! JA BIN ICH DENN ES BURGFROILEIN USEM 18TE JAHRHUNDERT?

Naja, ich frog mi halt scho… XS ist halt nicht gleich XS. Klar, mer chönnt argumentiere, das da vo hersteller zu hersteller scho mal chan abwichige geh… ABER ES ISCH DE GLICH HERSTELLER.

Chan also nur na ei erchlärig geh. Bi wisse/farbige hemmli langet mim Buch es XS. Sobald er aber es blaus Hemmli gseht, fangt er sich a sträube und bläht sich uf vor wuet, daser sone farb muen über sich ergoh loh. Und zack: S.

Wenn das mini Modelagentur erfahrt… es S!!

Kennt öpper e Mittel gege Wächseldickheit?

Ich mueses zuegeh. Au wenns einigi vo euch scho wüssse… aber…

Ich bin vorbestraft.

Japp. Jetzt isches dusse. De Dröli isch es Kriminells Subjekt. Trurig aber wohr. Und ihr vertraued mir euchi Problem  und gheimnis ah.. MIR! Emene verbrächer!!

Aber kei Angst. Ich han mini Straf abgsässe und beroit.

Was ich gmacht han? Naja… Das ganze isch vor ca. 9 Johr passiert… Es fallt mer würkli schwer drüber z brichte…

Es isch na Dunkel gsi vorusse, au relativ chalt. Eigentlich hanis gar ned so planet gha…..

S schlimme isch ja gsi, dases ufem wäg zur Schuel passiert isch. Und mir isches bekannt gsi, das d Polizei ab und zue mal uf de Strosse stoht so früeh am morge… Eigentlich puuri Dummheit vo minere siite dassi mich verwütscht händ. Ned dases ke verabscheuigswürdigi Tat gsi wär wennis ungschore devo cho wär….

Uf jedefall hett mi denn sone Streife aghalte, mini Personalie ufgnoh und i ha weder zur Schuel döfe. Würklich schön, was füres Vertraue de Polizeiapperat jugendliche Straftäter engegebringt. Für das bini unglaublich dankbar.

Aber ich wott nüme wiiter um de heiss brei umerede… Ich mueses zuegeh. Ich bin ohni liecht am Velo zur Schuel gfahre. Strofmass: E 2 Siitige Ufsatz and Schuelpfläg wieso ich das gmacht han.

Ich schäm mich so sehr :(

Han mich hüt morge entschide (nachdem zum 1000igste mal irgendwelchi Farbefrohe Werbezättel usem Briefchaste gluegt händ) zuesätzlich zu mim “Bitte keine Werbung” Schild na de untestehendi Zettel ufzhänke…

Sehn ich das falsch, dass das “Wahlkampfwerbig” heisst?

Letschti hani doch tatsächlich es gratis BUECH(!) im Briefchaste gha wos um Geisterustribig gange isch!! (han nur di erst siite gläse, dementsprächend de genaui Werbeinhalt ned gläse…)

Ich weiss, de Zettel wird gnau nüt bringe. Aber vilicht chani ja demit im einte oder anere Nochber oder au Werbeverteiler es lächle ufs Gsicht zaubere demit…

mäh.

Folgendes hüt ide Inbox gfunde:

We have processed your order 11031100733 and delivered according to your address at 2011-03-13 21:21:20.

Usually it will take about 7-30 days by airmail. 

No meh vage chönnder ned si oder wa? O_o

Mer git doch kei Ziitspanni vo 7-30 täg ah!! Das isch wie wenn dr de Dokter seit: Si händ no 1 Monet bis 12 Johr z läbe! (guet, min Dokter wär wahrschindli sone spezialist..)

Aber naja, defür ischs cheap as fuck und portofrei! Viva la Exportsubvention :D

Es hett sich es bizeli was toh sitem letschte bild :)

Chan mir öpper erchläre was flamboyancy heisst? :S

http://carzdaily.blogspot.com/2011/02/auto-salon-geneva-2011.html