I told you it would be back!

Gestern schööön gfiret! Alli alli sind cho und sogar no meh xD

6 Fläsche prosecco hämmer gleert. Biz Jägermeister, e schwetti Bier. Aber i han gopferdammi immerno de ganz chüehlschrank voller alkohol!!

Schön umegschwülelet hämmer au harr :P

De Schoggibrunne isch zwar benutzt worde, aber i glaub 1kg schoggi isch de doch z vill gsi. Riese pampe bäh.

Ich frog mi sowieso wie ich bis am Samstig alles sell ufrume :D

Die komisch nochberin vo gegenüber isch au weder ufe Balkon cho motze, dass si ned chan penne wenn mir dusse so luut rauched. Ich wür vorschloh s fänster zue z mache… Scho komisch das si die einzig isch wos stört -.-

Euses Suff Pool mini game isch ned so erfolgrich gsi :( Bin noni dezue cho de Gwünn z zelle, aber ich dänke meh als es Bier wirds ned geh :( Also: Nöchstmol im Usgang mich ufe Suff Pool aspräche, de gits es Gratis Bier! Aber nur 1!! Für 1 Person!! HOLY CRAP FREE STUFF!!!

Zu bruch gange isch sovill ich weiss au nüt olé!!

Jetzt nimmts mi nur Wunder,  wies am Samstig wird :)

Föteli vom Obe sowie vom Chaos dueni de am Obig ufs Gsichtbuech. Stay tuned!

…. ziit füres neus Poster??

Ahja, hüt morge hani no e Alu-Farbigi Swatch gfunde umeligge…

Wem ghört die?

Es isch gschafft! 2 Täg duregfiiret und gsoffe und gsoffe und nomol gsoffe.

Es sind jo all debi gsi, drum wüssed au all wies gsi isch. Drum nur ma d Bilanz:

Food: Alles weg. Chüehlschrank & Tiefchüehler komplett leer. #1

Suffe: Moderati Leistig. Han huere vill leftovers. Vor allem Vodka und Martini wo so villne lüüt gfählt hett und extra no postet worde isch hetts no je 3/4 volli fläsche tzktzk. S Bierfass isch auno huere voll… Naja, Ussueffete, wenn?

Gläser: Sowit i gseh ha isch nur eis an Arsch gange! Und das bin ich gsi ^^

Zuestand Wohnig: Es isch nur sone stützi i mim Bett an arsch ganze (wohl bim massehügle vom peach/marc) aber halb so wild. Suberkeit… naja… wäri mers ned gwöhnt würdi hüt bim heicho glaub n chotzafall bicho ^^

Bilder erspari eu us rücksicht und mangel an Bildmaterial.

Es sind jetzt also 2 Froge offe:

1. Ussuffete, wenn?

2. Wer will sich n batze dezueverdiene? Han chli e souerei zum ufrume :)

Oh yeah!! Hüt isch 3-Königstag! Und rotet mol wer (wie jedes johr) King worde isch? BUJA!

Ajo, gestern am “Stammtisch” simmer im Desperados gsi. Fajitas a Discrétion. Mann isch mir nochane schlächt gsi :D

Churz und knackig. Aber glich no z lang für Twitter \o/

Für alli wos ned mitbicho händ: Das Weekend isch Neujohr gsi! (ahja: Happy new year an alli wuhu!! *kiss*)

Jo. Was hett de Dröli da gmacht? Wie immer, gsoffe.

Han min Arsch am 31.12.2010 – 15:10 (ned 15:00 wie planed, bin na am game gsi!) erhobe und bin im Coop go Bier (Heineken 12x50cl) go poste.

Denn heim und wiiterzockt. Olé.

19:51 ufe Zug richtig WG. Acho, die andre sind scho kanüle gsi (ich han zum glück no es zweits pack bier kauft gha und sälber au scho agfange gha… Ufere Skala vo 1-10 bini aber mitme guete 2 wiit hinter de andre nocheghinket!)

Naja, am 12i simmer denn ufe Balkon use go astosse und schreie. Mir sind di lüütischte gsi ide ganze nochberschaft! Oder emel so hetts tönt.

Denn so uf die 2 (dunno..) simmer nachenander all is Koma gheit.

Am 9i bini de ufgwacht und han mir dänkt “Ich bin de töllsti Dröli vode Wält, drum gang ich jetzt go Gipfeli chauffe!”. Nur am 01.01.2011 isch leider alles zue gsi.

De Dröli isch aber ned blöd, und weiss, daser uf sim Handy per GPS chan Tankstelle sueche. Tankstelle händ eh immer Shops und die händ au immer offe!

DENKSTE!

230m -> BP Tankstelle -> *lauf* -> *lueg* -> 2 Zapfsüülene & Zahl-O-Mat -> -.-

400m -> AVIA Tankstelle -> *lauf* -> *lueg* -> 2 Zapfsüülene & Zahl-O-Mat -> -.-

400m -> Shell Tankstelle -> *lauf* -> *lueg* -> WOAH GEIL N SHOP!!! -> Gipfeli gchauft.

Naja, die Shell Tankstell wär de effektiv au no am nöchste gsi Zur WG… aber isch ja easy sone Morgespaziergang.
Joa… Da isch jetzt de ersti “richtigi, klassisch” post ufem DR2 gsi… Fühlt sich irgendwie no chli komisch a… HUaa, mue mi erstma weder an Blog gwöhne…

XOXO

Gossip Dröli