Louis Vuitton - Freitag

Uszug us Wikipedia.de:

"Heute hat sich das Unternehmen einen Namen als Luxusmarke gemacht und wird in einem Atemzug mit Marken wie Rolex, Hermès oder Cartier genannt."

Naja... alli sind glich, soöppis wie Klasseunterschid gits jo anschinend nüme... Strossebutzer figgt Bankcheffin und so... was sells... aber wenigstens am ussehe sett mer doch Rich vo Arm chönne unterscheide???

Mit allem Bling Bling wo sich e gwüssi gsellschaftsschicht hüt zuedeckt chumi eifach irgendwie ned klar...

Ich mein... wenn de Karl-Udo 10 Johr lang für sin Poste als Filialleiter gschafft het, denn easy... seller sich doch e Louis Vuitton Laptop Bag chauffe... aber nei... isch jo nüt meh bsundrigs... weil s 12 jährige Hiphop Meitli im Chindergarte scholang s neuere Modäll hett...

Jetz zu Freitag... Früener isch das für mich no was bsundrigs gsi... also klar... ich hätt nie eini gchauft weil... naja au wenn bsundrig... so schön findis ned... s sind schliessli immerno Lastwageplane meh ned. Aber wie alles bsundre isches wie warme semmeln weggange... Plötzli hett jedi Frau irgend es Täschli oder susch was wo Freitag drufstoht. Isch eigentlich würklich schad...

S git halt leider nüt meh exklusivs... naja...