Das Parfüm
In de BMS simmer jo zwunge gsi s Buech z läse... Isch denn nedmal so schlimm gsi, wies afänglich tönt...
Naja uf jedefall bini gestern zobe de Film go luege... Ich säg nur Bäh.
So de Leitfade stimmt zwar mitem Buech überi, aber d Detail sind ja wohl alli voll grottig abgänderet worde! Öppis guets mues mer em zuegestoh. D Tatsach, das all sini "hüeter" verrecke, sobald das de Grenouille si verloht (z.B. Huus vom Baldini stürzt i) wird zwar chli usezwunge, immer erwähnt...
D Orgieszene... naja... er isch ab 16, vo dem her chamer ned vill erwarte... aber da die nackte Dame, wo de Grenouille begehrt/killt, im Film sehr usgiebig zeigt werde, chunnt d Erotik glich ned allzu churz xD
De Film würdi nur empfähle, wemmer s Buech ned gläse hett... wobi mer vilich denn d Story ned verstoht? :/
posted by Dröli at 1:45 PM
4 Comments:
ich ha de film au gester gseh.. hane ganz andersch erwartet.. i ha so e kranke siech erwartet und viel bluet^^ aber het mr gfalle, isch e guete film. so d atmosphäre wo erzügt wird, het mi scho beidruckt. und dr hauptdarsteller isch jo dr hammer, die körpersproch vo dem, dä hets im griff.
hmm jo susch.. d orgie am schluss hani chli lächerlich gfunde.. ha s buech nid gläse, nur mol chli dureblätteret, de film chame au verstoh weme s buech nid kennt.
im grosse und ganze würd i de film wiiterempfähle, isch mol öpis anders als das wome susch so seht.
i chan de film nur witerempfähle... han en sehr guet und spannend gfunde obwohl ich sbuech gläse han...dröli: du hesch wohl eifach meh und en längeri nacktszene i de masseorgie welle ha. drum bisch ned so begeisteret odr?
Nei ich finds vor allem huere schad, das si ebe eifach paar details gänderet händ... Wenni mi richtig erinneri... das rothaarige Mädchen... die hett ihn im Buech gar ned gseh gha, weiler si grad killt hett oder? Und det hettere doch d Kehle ufgschnitte (ned sicher...)
Naja... usserdem hani die Gschicht mitem Erdgas vermisst...
+ Sowit i mi erinnere händs de Grenouille im Weisehaus ned welle kille, weiler Platz weggnoh hetti (wies im Film isch) sondern weils schiss gha händ... Und wo im Buech isch gstande, dass er amene Fäst vode Laure zwei Zwilling ufgablet hett? - Die Gschicht mitem heisse Fett wird afaik au ned erwähnt im Buech... (au weder ned so sicher).
Naja alles so chlini Sache, wo eifach störe...
Hoffe trausch mer trotz minere chronische spitzheit e subjektivi bewertig zue lärsl ;)
De film isch scheisse!!! Ich find sie händ prioritäte vöööölliig falsch gsetzt!!
Kommentar veröffentlichen
<< Home