Monster Jam

So. 22. bis 24. Septämber isch Monster Jam im Hallestadion...

D sunrise offeriert de Mitarbeiter Tickets... also jo... 2 Für 1

MonsterJam Page

S chost denn halt nur no 45 Stutz für 2 Persone, schlächtesti Kategorie...

Najächen... weiss ned isch halt scho sacktür aber.. hett öpper bock z goh? :D

Handyblog: yummi

Nachem mittag e feine expresso yay!

For the Ladies ;)

What is the ultimate bikini?
by Bikini.com

Less is More isch ab sofort mis neue Läbensmotto :D

Sache wo nerve...

... wie zum Bisplil die Lustige lüt wo sich d Ohre zuehebe wenn en Zug brämst... das nervt mi so... Ihr huere pussys... fahred Auto wenner das ned ushaltet grrr!

Kuppel

Also... i bin zum erste mol ide Chupple gsi hüt... bzw gestern...

Naja s Etablissement isch eigentli no ganz oke... aaaaaaaber

Wääääh de DJ OMG... SO scheisse... erstens hetters ned chönne und 2tens hetter nur öppe 2 Gueti lieder brocht... BÄH

Midet d Kupple wenn de DJ Vitamin S ufleit!

Dancing Stage

Woooowoooo

Mir isch langwilig gsi... also hani eifach mol weder s guete alte Dancing Stage usekramt...

Han jetz öppe 2.5h gamet... Sogar mini Finger sind schrumpelig vom schweiss xD

Wer hett lust amene Samstig nomitag mol e Dancing Stage Session durezgeh? :D

Wer ned weiss wases isch: Herstellerwebsite

Wie blöd mues mer si???

Oke... Ide Firma hämmer Mailverteiler. Das sind im Prinzip eifach Adrässliste. Mir händ au e Verteiler de heisst Everyone_in_sun**se.
Naja... es gits ab und zue, dass öpper mol es Abschidsmail schribt...
Denn gits natürli lüt wo enander ned so gern händ...
Isch nur ned so toll wenn die Lüt denn e gwüssi Dummheit in sich täge... De Screenshot seit alles HAHAHA

Di ganz Firma hett glacht glaubet mer!

I miss u rain!

Och mann... es sell wedermol so riiiichtig strub rägne... räge isch eifach mega geil... am beste no mit e bizeli sturm donner und blitz...

Hüt z Oerlike hetts biz blitzt und e bizeli Platzräge gha... aber dasch irgendwie au billig gsi... ich will mal weder e richtig geils Gwitter!

I vote for Räge!!!

NIE!!!

NIE NIE NIEMOLS chauffed NIE ide AVIA Tankstell!!!

Ha hüt am morge Kaugummi gchauft... Pris:

1.60

Und mir all wüssed jo das Kaugummi normal 1.40 Choste... Frächheit... so wird mer usbütet...

Im Bästi sin 18te

Ole ole ole. De Bästi isch ändli au 18ni.... das hämmer natürli müesse
fiiire...

De Alkohol und sini uswirkige chönneder do betrachte: Gallery

Wieso red ich mit mine Eltere???

Mini Mueter isch de Meinig gsi, dass ich mich vo mine Kollege usnütze lohne weil ich immer "sovill" Bier mit in Usgang nimme und die andere jo denn sicher immer vo mir trinke.

Dodruf hani ihre gseit: "Also Sorry... wenns gfühl hesch 3 Liter chani ned elei suffe.... denn weissi au ned witer..."

De hett si gmeint: "Ui nei. Da sperr i di grad in Chäller wenn du so Sache seisch unds au no ernst meinsch!"

Denn hani de chopf gschüttlet und bin gange....

BÄH

Pacman 3D

HAHAHA macht richtig Lust zum imitiere :D

http://video.google.de/videoplay?docid=1367087148554825643

BTW: Upcoming Blog entry: Welcome Days 2006

Technical Support

Da gsehnder mol was mir ITs alles durezmache händ... No eis Wort das mir all fuul sind und ich raste :D

http://video.google.de/videoplay?docid=-1442129488139523775

Fettes Brot

Wenni fettigs scho ned döf ässe muesis halt lose :D

Fettes Brot isch toll!

Amazing

Läck das mues jo e huere arbet gsi si das z mache:

http://video.google.com/videoplay?docid=7824094719498838494

De 12/13ti

Joa s isch wedermol sone obe gsi :D

Zersch hämmer jo uf Stei welle... den lütet de Thöm a er wird mitem Auto uf Magde gfahre, mer selle au cho... Ja eaaaaasy... chömme mer doch au... mer chönne jo sicher au mitem auto denn hei... Nööö leider päch gha... s Auto isch voll gsi... Lösig: Taxi neh und ufe letschte Zug... hammer....

Naja... "irgendwelchi komische Lüt" händ anschinend das grosse Freaktal Schild klaut wo vor oberfrick gstande isch... Mir händ das "zuefällig" vorem Lars sim huus gfunde... jaja s git scho chranki lüüt :D

Bilder vom Obig und vom Schild: Gallery
Min persönliche Favorit isch s allerletschte Bild.... no fake ey :D

S isch Offiziell

ICH BRUCH WEDER GÄLD!

So es isch de 12 August. S sind no 13 Täg bis zum nöchste Lohn.

Ich han ca. 140 Franke.
10x10 Franke Zmittag = 100 Franke
Hüt mueni no e Baileys chauffe... = 20 Franke
De gangi Hüt ad Beach party = 30 Franke
De sind nöchst Wuche Welcome Days = 50 Franke
Total: - 60 Franke

Wo krieg ich jetz 60 Stutz her???

Roflcopter hoch 3

E mega tolli Interpretation vom Roflcopter

Übrigends

Bin bim Hutarzt gsi... weil han sit de Summerferie sone Usschlag...

Naja s Ergebnis:

• Creme-zum-ischmiere
  
• Alk-zum-ischmiere
• Kei Fettigs ässe meh (Wurst, Fleisch)
• Mineral OHNI Chohlesüri Oo
• Kei Milch
• Nüt Süesses (guet nimmi jo sowieso ned...)
• Nur no chalt Dusche
• D hoor ned mit Shampoo nur mit Wasser wäsche
  

Churz gseit... s läbe döf nüme Spass mache... =P Naja mueni mi halt uf Sex, Drugs and Rock'n'Roll konzentriere xD... hmm scheiss uf Rock'n'Roll and Drugs... Sex muess her :P

Zecke sind Schlampe

Heieiei

Vor Spanie simmer no im Wald gsi... de hamer e Zeck igfange... Vorgestern simmer go Brötle...
-> Schoweder eine... Gottverdammi Sauviecher GRRRR

Update: Han zuefällig nomol eini gfunde Oo... denn hani mol gsuecht... und in der Kniekehle hockt doch tatsächli nomol eini... e huere fetti... Fuck... die sell mer mal schön de Dokter useneh... weil die neu woni usegrisse han hett de chopf dinne loh... de mueni eh go kontrolliere loh :/ huere Schlampe...

Do no es Bild vo dem fette Teil *bäh*

Wünsched mer Glück dasi ned verreck :P

Update: Hanen glich sälber usegrisse... eigentli hetts jo selle d Mueter mache aber die isch vor Panik fasch usgflippt Oo... hanen sogar mit chopf usebicho... Lut Wikipedia isches aber scheiss egal... drum jo... egal =) Wenner mi agsteckt hett, de hetter mi scho agsteckt... also screw her! (s bisse nur di wibliche Zecke)

Interview with the Vampire

S isch eu jo vilich bekannt das mi Vampir mega fasziniered und so... joa... ha mol weder en tolle Film gseh:

InternetMovieDatabase

D Kirsten Dunst (das chline meitli i dem Film (au bekannt us Spiderman)) isch unterdesse au erwachse worde... Unde rächts...

Next Movies:

• Queen of the Damned (Interview with the Vampire II) (leider ned mit Orginalbesetzig)
• Fearless vampire killers (Vampir Parodie?)
  

Color Swap rulz

Hehe

Ha chli mit de Cam gspilt... Mini Favorite sind Blaus Bier und Schwarze Dröli:

Gallery

Mark Jenkins

Dasch mol geili Kunst... Und alles mit Chläbband... geili Sach!

http://www.xmarkjenkinsx.com/

Shakira isch Seeeexy

HAHAHA

Video

FREAKTAL

Jooooo

Das Johr isch wedermol s Freaktal gsi.

S hett so sini höchene und tüfene gha ;) (wer debi gsi isch weiss wasi meine :D)

Jo... ha jetz no 3 Sache z säge...

1. Ha paar Bilder gmacht: Gallery
2. Im Bästi sini Badeaktion hani no chli gfilmet: Video (DivX 10.7 MB)
   
3. Fühl mi chli scheisse dasi am Samstig so früeh gange bin... aber ich hett eh nüt meh chöne mache, und die andere sind jo flissig am hälfe gsi :D und und... party hetts eh kei meh ge und drum jo..... sorry gell... hoff mol es goht der weder guet so wies d sanität gseit hett =) (gmerkt, ha kei näme gnennt :P)

South Park

HHAHAHAHAHAHA

Ich cha ned ufhöre lache :D

Es isch so geil: South Park Doppel-Episode 3 und 4 vode 10te Staffel.

Es goht ide South Park Folg drum das Family Guy e Szene dinne ha sell wo de Mohammed vorchunnt (de Moslem Prophet do...) Uf jedefall wott de Cartman das umbeding verhindere... Er schaffts aber ned und es git en grausame Terroristische gegeschlag HAHAHA omfg!

Do isch de Link zunere Site mit HTTP Direkt-Downloads...:
Season 9&10(s ganze isch natürli änglisch ;))

Min PC...

Siti vode Summerferie heicho bin, lauft min PC nüme...

Am Afang git mer de PC e tolle Beepcode us... Lang Pause Lang Pause usw...

Möglichi Fähler:
Erkennt d Grafikkarte ned (Kaputt?)
Erkennt d RAM ned (Kaputt/Oxydiert?)
CPU-Lüfter defekt

So. Einisch hetter churz funktioniert gha nochdem i all verbindige überprüeft ha. Hanen denn abgschalte, agschalte und de glich Fähler isch weder cho... DAMMIT

Oke... Grafikkarte cha ned d Fählerquälle si... Ha mini alti wo no funktioniert hett probiert isetze... Isch ned gange...

D RAM chönne ned "Oxydiert" si... hasi use gnoh und weder ine due... anders gseit, d Kontakt sind weder suber...

De CPU Lüfter isch schön am surre.

Ergo: En RAM Block isch kaputt. Jetz blibt nur no d Frog: WIESOOOO???

Naja... danke fürs zueläse :D

Problem solved: Mini RAM händ jo verschideni Hersteller (Kingston/Siemens) jetz händs halt blöd tue... passiert amigs... aber normalerwis ned eifach plötzli sondern vo Afang a... komisch... naja... jetz hani si eifach gwächslet... also d Slots vertuscht... Jetz gohts weder.. mal gugge wie lang :P

Wer chunnt mit?

Games Convention 2006

Da hani scho im erste Johr welle go... dasch glaub 2002 gsi... naja...:

http://www.gc-germany.de/

Telekommando 2

Hanes meega tolls DOS spili entdeckt :D

Mer schlüpft id Rolle vomene Telekom mitarbeiter... naja mer mues Telefonzentrale und Sateliteschüssle repariere, Verbrächer fange und und und... das ganze isch gspickt mit Rätsel... naja... 1-2 Stund Spielspass sind garantiert :D (Freeware weil Werbespiel)

Telekommando 2 Download