D SBB wedermal...

Oke, tolli story:
Gestern hocki so im Zug (Oerlikon - Basel) und freu mi no so, dasis uf de früener Zug gschafft ha (17.09 statt 17.16)
De chunnt di sympatisch (übersetzig: nervig) stimm von "Zugchef" übere Lutsprächer (s tonband vode automatische Asag wird wohl im arsch gsi si) und seit d Station a: Nächste Halt, Proschän (jaja prochain) Arret, next stop Altstetten.
Bis jetzt ischs no easy.
De Warte mer erstunlich lang in Altstätte... denoch chunnt d nervdurchsag: "Leider hett en andere Zug verspötig gha, drum hämmer müesse warte" - Oke easy... chunnt vor. Wär au scheisse, wenn di andere de Aschluss ned gha hätte. Mer sind jo sozial =)
De gohts witer. "Nächste Halt, Proschän Arret, next stop Bade)". Aber no bevor mer achömme haltet de Zug in Neuehof... WTF? naja egal, vilich wott de Lokifierer (xD) jo nur paar chicks aluege wo verbi lauffe...
Z Bade acho, gohts de weder sini 5 Minute bis mer abfahre. Natürli chunnt weder d Durchsag: "Mini werte Fahrgäst, s tuet eus mega leid. Mer händ e Gleisstörig gha und jetzt no e Türstörig in Bade und wegem warte vorher e Gsamtverspötig vo 12 Minute..."
Langsam wird d Stimmig im Zug heiter... Isch no erstunlich... d Lüt rege sich ned über d SBB uf, sondern düend si ender uslache...
Mir fahre witer.
Vor Frick chunnt de d dursag, das d S-Bahn uf Basel wartet: "Bitte beeile sie sich bim Umstige, das mer ned z vill verspötig uf d S-Bahn überträge. Usserdem chömmir au meh verspötig ufhole wenn si schnäll us und umstiged." Also übersetzt: Wenn ihr verdammte Passagier ned wäred wäre mer scholang z Basel!
Naja easy...
Unterdesse simmer vor Basel. D Durchsag: "Mer träffe jetzt in Basel i. Vo de Ursprüngliche 12 Minute verspötig hämmer chönne 6 ifahre. (ja danke -.-) es tuet eus trotzdem mega sorry und jo, schöne obe."

Jaja ihr chönd mi. Isch jo egal, hajo de früeneri Zug gnoh.

Aber s chunnt no töller :S

Irgendwenn hani denn jo no hei müesse... ha knapp de Schnällzug am 10 vor 11i verpasst, weiler PÜNKTLICH (woah) abgfahre isch. Drum bini eifach ind S-Bahn ghockt... (isches Zuefall das di letschte 2 mol woni S-Bahn gfahre bi s WC abgschlosse gsi isch?).
Naja. Eigentlich alles normal.
Bis.................
Vor Prattele chunnt plötzli d Durchsag (woni au nur zuefällig mitbicho ha, weili d musig grad uf Pause gha han): "Wege Arbeite am Bözbergtunnel fahrt die S-Bahn ned witer. Bitte ufe Ersatzbus umstige."
Was heisst Bus? Uf de Stross fahre genau. Was heisst uf de Stross fahre? Riesige umweg, genau. Was heisst riesige Umweg? Verspötig, genau. 15 Minute oder so. Weiss nüm genau, isch mer zu dem Zitpunkt au egal gsi...

Lange rede kurzer sinn: Bimer am überlegge obi d Domain sbbsuckt.ch sell registriere und da mol e Aktion starte aber naja......

-Fin-