London

Wie einigi vo eu vilich wüsse, bini das Weekend z London gsi go d Nadle bsueche... Da mal e Chronologischi ufstellig vode Ereignis =)

Fritig 17.10:
7:00 - Wecker schället: Wooah. Gestern am Oktoberfäscht gsi, bin no bsoffe, ich schlof wiiter. *stellt Wecker uf 8:00*
8:00 - Wecker schället: Pf... wott witerpenne... wenn goht s flugi? 11:35... Hm, 1.5h vorher sett me am Flughafe si... ma rächne, 10ni am Flughafe... ich han ca 1.5 det ane... 8:30 ufe Zug... jetzt hämmer.. 8ti? FUCK!! Han noni packt!! *in 15 minuten deo anspritz, anzieh und koffer pack*
8:25 - Zug fahrt 36: Shit shit shit *mit koffer an bhf renn*
8:36: Ich hock im Zug *puh*

Ändli am Flughafe acho, hani scho angst, dases mer ned längt... Dank E-Ticket bini innert 3 Minute zurd Gepäckabgab und ufem Wäg ind Air-Side Zone...

Richtig, d Nadle hett ja welle dasi ihre Zigi poschte... 41 Stutz k... *Postcard fürechram* *zahl* *richtig gate lauf*

10:40 - Flugi flügt 11:25: Sooo, ändli do. Boarding foht sicher gli ah... huere knapp gsi *uf d uhr schil* OH MANN!!! Naja, luege mer eus chli ume...

*juhuu, mis zmittag wird gliferet*


Toll. Was jetzt? Hmm... Woah! GRATISHEFTLI!!! Hm... weles selli neh?


Richtiiiig, s Mädchen!!!

11:05 - Boarding startet: Juhu
11:10 - Ereignis!: Krassi Sach, Maître de Cabine isch dr Danilo (glaubi emel) wo früener mit mir am Sunrise Mässestand gstande isch!!! WTF!!!
11:25 - Pünkliche abflug: Juhu
Irgendwenn - De Danilo hebt mr bide Getränkeverteilig direkt s Bier ane... Ich nimm natürli dankend a :D
12:07 - Landing am London City Airport (GMT)
12:20 - Han mis Gepäck
12:30 - Ich han d 3 Day Off-Peak Travelcard (wo übrigends 40 Schwizerfranke chost!!! Sprich es Monets-TNW)

12:35 - Ich fahr Zügli


ca. 13:45 - Ich chum am Hotel a. Inderin ade Reception, Inder wo mer s Zimer zeigt (aber s ned wogt mir de Koffer abzneh)
13:50 - Im Zimmer: Inder: "Oh sorry, they did not clean the room yet :/" Me: "An nevermind.. I'll go and eat lunch..."
14:30 - Im Zimmer: S seht zwar chli schmuddlig us, schint aber einigermasse suuber z si. So far so good... Hm, s Bett isch zimmli höch... egal. Luege mer mol s Bad a... WTF? Riese Büle ide türe... uf dr andre Site au?? Hett wohl ein welle ischloh -.- Brandlöcher ide Badwanne? Ah, dasch sicher de Cigarre Look womer bi Wii-Schränk au hett... Oh, d WC-Brülle isch chli gääl... naja, zum Glück hetts Papier...
14:45 - 16:00 - Färnseh luege: 5.5 Sänder (eine wo d hälfti vode Ziit schneit isch nur n halbe Sänder!!)
16:00 - Dusche: Wuuhuuu!!!
ca. 17:00 - Träffe mit dr Nadle: *umarm*
ca. 17:20 - Picadilly Circus: Mr sind ufem Wäg zum Tickets für Phantom of the Opera go hole und znacht ässe. Da entdeck ich die schönsti Sehenswürdigkeit vo London! (Suech dr Pixelfähler :D)

ca. 17:30 - Ade Theaterkasse: Theoretisch hette mer di beschte Plätz im ganze Theater gha... Leider hetts es Problem mit dr reservierig geh... de Hämmer die letschte Plätz müesse neh wos no gha hett... richtig: Hinter dr Süüle... (föteli spöter.)
ca. 17:45 - Tiger Tiger: Nach genervtem gerauche vode Nadle simmer is Tiger Tiger go znacht ässe. Tohn-Steak mit Süesskartoffle für mich und Vegi-Fajita fürd Nadle.
19:10 - Theater: Mir händ eusi sitzplätz im "VIP-Bereich" ignoh und warte. D süüle isch gar ned so schlimm.. emel für mich xD


19:30 - Es foht a
22:20 - Es isch fertig: Ich bin begeisteret :D D Hüenerhut hett sich durs ganze Musical zoge und ich sind lines wie "In sleep he sang to me, in dreams he came" "My angel of music" usw...
22: 45 - Eich hätte mer mit dr Clod abgmacht gha... doch si taucht ned uf und reagiert ned uf arüef...
23:15 - Mer tüend nüm warte.
23:45 - Bin zrugg im Acton Town Hotel.

Samstig 18.10:
ca. 9:00 - Ich wach uf: HUNGER! Also ab mis Continental Breakfest go fresse



ca. 9:50 - Zmorge fertig: D Nadle hett gseit mer träffed eus am 2... 14 - 10 = 4h... was machi??? Hm... det hetts doch n Grocery Store grad ume egge... hm... BIER!
ca. 10:00 - Ich han es 6 Pack und de Fernseh a. (Bier hett DotW priise)

14:00 - Ich bin (gfüllt mit 2.5 Liter Heineken) ide Ubahn mit dr Nadle... Si merkts :D
-- Us irgendme Grund hani für de Abschnitt nüm würkli die gnaue ziite... --
Ich chauf n neui Läderjagge, d Nadle au (90£ each... händsi vo 250£ each abeghandlet... schint aber echts Läder z si..)
Mir ässe im Subway zmittag
-- Jetz fohts weder a --
ca. 18:00 - Bin zrugg im Hotel: Oke, mr wänd eus am 10ni träffe, das mr am 11i im Club sind... Was chönnti mache? Znacht neh, Fernseh luege und Biere!!!
ca. 19:30 - S Bier mag ned so abe: Ich glaub ich goh go znacht hole... Döner Kebab!!!
ca. 19:45 - Zrugg im Hotel: Okay, Take away rockt.. mal luege waser mer ipackt hett :D
Aha, es mini Fladebrot + e hufe gemüsegschwür... *hust*
21:00 - Dusche
21:30 - D Nadle isch scho früener unterwägs (BTW: s hett nur für 3.5 Bier glanget :/) also schnäll azieh und ad Station
ca. 22:15 - Oxford Circus: "Mir müend det ufe laufe"
ca. 22:20: "Si hett gseit 7 minute mitem Bus" - "Oo"
ca. 22:30 - Acho bim Club
ca. 22:45 - En Band foht a spile: *hust* laaaaangeweile...
ca. 22:55 - D Band isch fertig: xD
ca. 23:15 - En andri Band foht a spile: *hust* laaaaaaangeweile...
ca. 23:25 - D Band isch fertig... WTF??
ca. 0:40 - Mir sind Fertig mit Töggele: "Wie spot isch eich?" - "Boah, sicher scho 2 oder so... *schau* 20 vor 1??? OMG!!" - "Wämmer go?" - "Nei ich go nomol rasch ufe!" - "Kay, ich gang go rauche..."
ca. 0:50 - Ich bin vor de Türe mit dr Nadle: "Gömmer..."

ca. 1:10 - Mir sind im Nachtbus
ca. 1:50 - "Please exit the bus, the road ahead is blocked" - WTF!!! Gömmer ma go luege... Hm.. Niene e Baustell... eifach ei Spur gsperrt... sexy.
ca. 2:20 - Mr händ n andere Bus gfunde.
ca. 3:00 - D Nadle stigt us: "Muesch halt luege wied zum Hotel chunnsch..."
ca. 3:30 - Chum bide ändstation a (Acton Green). Zur Busfahrerin: "Sorry, how can I get to Acton Town?" - "Sorry Honey, I don't know this Area" T_T
ca. 4:00 - Acton Town Hotel: Nachdem i 20 Minute ide chälti umegloffe bin und öppe 6 Lüt aquatscht han, hani s Taxi gnoh.

Sunntig 19.10:
9:00 - De Wecker schället: Mmmh... ich penn witer.
10:00 - De Wecker schället: Grah... I schrib mol de Nadle "Hey, träffe mer eus am 1 irgendwo? de chani vorane go ässe..."
11:00 - Ich verlohns Zimmer zum uschecke (bye bye)
ca. 11:30 - Ich bstell es "The M"- Menü im Mac nöchi Ealing Broadway Station.: "Do you want to take a seat?" - "No I'll wait..." - "That's okay, I'll bring you your meal.." - "k"
11.45 - grml...: "I'm sorry.. I ordered a M Menu about 15 minutes ago... "Oh damn sry, here"
ca. 12:30 - Ich bin di ganz huere Umgebig uf dr Suechi nachme Kino abgloffe: Sms vode Nadle "Hey, wart im Starbucks ade Station uf mich"
ca. 13:00 - Nadle isch do: Weisch wos es Kino hett? - Ne kein Plan. *die neb mir frog* "Sorry, where's the next cinema..."

Lange rede Kurz:
ca. 14:00 - Kino, Burn after reading: Struube film.
ca. 16:30 - Zvieri im BK
ca. 17:00 - Tschau Nadle :'(
ca. 17:45 - Picadilly Line is out of Service on Sunday the 19th: "Crap crap crap!!! Muenen Ersatzzug finde!!!!!"
ca. 18:30 - London City Airport
ca. 22:30 - Zürich
ca. 0:06 - Rheinfelden
ca. 0:30 - Schlofe.


Sorry, dass vor allem de Sunntig so unusführlich isch, aber min Finger tüend langsam weh :D

N-Joy!