Tierverbot in Züg, BITTE!

Hüt morge hami eich mega gfreut... zum erste mol sit langem mol weder es 4-er Abteil für mich eleige... Aber ich han dadebi ned mit Bade grächnet!

In Bade stigt n 6 chöpfigi spanischi Familie i. Im Schlepptau händs n wisse Hund. De isch öppe so gross wiene 3 jährigi Sau. Ich dänk no so: "Nei, bitte mit dem viech ned zu mir" und promt hocket di zwoi chind vo dere Family mitem Hund zu mir.

Leider isch das 8 Jährige Meitli ned fähig de Hund z Kontrolliere, und so strichter mer di ganz ziit ade bei ume, liit zwüsche mini bau u.Ä.

D Mueter vo dene entschuldigt sich zwüschedure 2 mol... HALLO? DAMIT CHAMER WOHL RÄCHNE WEMMER E HALBE STIER MIT IN ZUG NIMMT!

Ich mein ich bin au e rächts Schwein (verzellt mer sich emel) aber weg dem riib ich mich ned grad a jedem attraktive Mädel woni gsehne... geg soöppis gits gsetz... chani de Hund azeige? De hett mi sexuell belästigt!

Naja, ich bin grundsätzlich ned so de Fan vo Hünd... Die schläcke sich am eigene Arschloch und wälze sich in andere tote Tier... Aber hey, who am I to judge, wer ein will ha, dörf da gern mache. Ich will mir aber ned weg dene Lüüt müesse Hundehoor vom Bei wüsche.

Vo dem her sett mer do gwüssi Regle füre Bahnbetrieb iführe... Solang da Vieh imne Chäfig platz hett, kei Problem. De räscht isch verbotte.

ODER, wasich mir sowieso scholang wünsche:

E Kontrolle wer wenn de Zug döf nütze. Z.B. Rentner und Chlichind döfe erst abem 9i Zug fahre und nachem 3 am nomitag nümme.

Das macht di total überfüllte Züg zu Stossziite leerer und verminderet de Nerv Faktor.

ÖPPIS lustigs isch aber glich no passiert hüt morge: S stigt en (obe erwähnte) Räntner ii, sitzt zu sim Kolleg und seit: Tschau Sepp! BAHAHA wie s chartespiliii get it get it?? \o/