Weekend Recap and Last Post

De letschti Post isch de 500dertschti gsi!! Glückwunsch Blog! - Nur blöd das vo dene 500 Posts vilcih 2 Sinn mache... nevermind, ich rocke :D

Okay s weekend... Naja, standard widermol.

20.50: Bus is Raiders, sauvoll, sauheiss, wiene sau am schwizte.
21.~: Im Raiders. In anbetracht zur Lektion vom Kalorieghalt vo Sprirituose blibi bi bir und mach ned bim Pitcher mit wo di andre Chauffe (Grüene Vodka O-Saft (?))

(Leider unmöglich alles nach ziit ufzführe :D)

Irgendwenn hani denn ma de Wiler grusig ufgregt, weili öpperem öppis usplauderet han, was er falsch gmacht hett. Mer händ denn min Fähler als "Ah.. s isch halt de Dröli, de cha nüt defür" abtoh und sind de irgendwenn sin Brüeder go sueche... De isch niene umegsi. De Wiler hett de aber en Appizälleri troffe woner kennt hett.

Ich mach mich über ihre Dialäkt lustig... bzw. betone wie cool ichs find.

Er entführt si zum öppis go trinke...

Ich go ufs WC

Ghöri es Stimmli rüefe: "Hey Dröli!"

Ich lauf rückwärts.

Hocke det zwoi Meitli am Bode... I säg mol 16? Dänk scho: Oh fuck, was hani jetzt weder agstellt?

Naja, d Unterhaltig dete isch öppe so gloffe:

- Kenne mir eus?
- Ja!
- Vo wo?
- Wittnau, det wode mitem Wiler und sim Brüeder heigloffe bisch!
- Öööh?
- Det hesch aber no Grüeni Hoor gha!
- Ahaaa, ja denn ischs jo scho huere lang her <.<
- Ja erinnerisch di ned?
- Nei?
- Guet, bisch au uu huere bsoffe gsi!
- Das tönt nach mir ja *grins*
- Und du hesch huere gstresst! Bisch immer zu mir cho und hesch gseit de Töbi stoht uf mich!
- Das tönt nach mir ja *grins*
- Und denn hanich dir sicher 10 Ohrfige geh!
- Und ich has geil gfunde?
- Jo
- Das tönt nach mir ja *grins*

Ihri (wohl lesbischi) kollegin hett unterdesse so signal gheie loh, das si mit ihre lieber eleige wär. Ich mach mi also wiiter ufe wäg zum WC.

Ufem rückwäg probieri mi verbii z schliche: "Hey Dröli!"

<.<

- Hooooi! Heee!! Scholang nüm gseeeh!! Wittnau oder?

Naja und so wiiter...


Samstig: Ich han am 5i zobe s Godfather 2 "bicho"

Ich fang afo zocke, s spil isch hammer! Am 6i am morge hani 2/5 Familie besiegt, due no biz gschichtli läse und go go schlofe.

9:30: Ich wach uf: "Uuh... 3h schlof? nei, das chamer ned atue!"

10:30: Ich wach uf. Ich schalt de Beamer a.

14:00: D Credits lauffe übere Bildschirm... s game isch fertig :(

15:00 - 23:30: Ich lueg Stargate SG1

Jo, das ischs au schoweder gsi.