Weekend Recap und Free-Sleep Tipp

Fritig:
2 Bier ufem Heiwäg und Stargate luege bisi passed out bin

Samstig:
Mi Götti hett Bday. Billanz vom Nomitag: 1 Sekt und 2 Bier
Diheime: 1 Bier
Denn ufe wäg nach Oeschge. S isch schliessli Hawaian Night! Parteey. Han mitem Wiler und sim Chline am Bahnhof Frick abgmacht zum überelaufe. (Billanz: 2 Bier für mich, 1 Fläsche grüene Vodka mit Redbull für die beide)
Mir chömed also a und s isch no rächt leer. Uf jedefall gits es Wilkommens-Cüpli. (+1 Sekt wuuh, isch ja wiene Rollespili)

Nachem exe vom Sekt gohts natürli ad Bar: "Es Bier gern"

Trink trink, schnurr schnurr. D Leo und d Steffi sind acho. Hoi hoi, schmatz schmatz, schnurr schnurr.

Si näme sich n Sex on the Beach. Ich entscheid mi mini K70 Beziehige spile z loh und bstell n SEHR guete Bacardi Cola. Ich schätze s isch halb halb gsi ^^

D Leo find ihre Sex on the Beach ned guet und find i sett au mol probiere... Ich leer ihre Drink abe und mir sind all glücklich.

Ich dänk mir: Hmm... am Igang hetts doch gratis Wilkommensdrinks geh! Anegloffe, e shotglas vom Sekt schdibizt \o/

Ich entscheid mini Beziehige wiiter spile z loh. Ich gang ad ussebar und bstell mr en Jägermeister und e SEHR guete Bacardi Cola. Glugg glugg yam yam. D Rah und d Rage chöme a. Hoi hoi, schmatz schmatz, schnurr schnurr.

Irgendwo do müesst eich nomol n Bacardi Cola cho si... aber naja wie selli säge irgendwie hani es Blackout...

Uf jedefall, bini jetzt z Frick am Bahnhof. Elei. <.<

Naja, ned ganz eleige, ufeme Vorsprung hockt es jungs meitli/en alti dame/kA was. Weiss nur no dassi schulterlangi hoor gha hett. Ich sprich si a, setzt mich zu ihre ane und lalle si voll.

Ich sett vilicht erwähne, dasi weiss, dasi betrunke chan unagnähm si. Also gibi dene Dame mängisch en Notfall Satz: "Säg mer i sell mi verpisse und i bin weg." Vo dem macheds aber nie gebruch komischerwiis...

Naja, ich laber laber laber do vor mich hii, si isch sichtlich gnervt, aber will mi eifach ned wägschicke <.<

Da chöme plötzli zwei Männer in schwarz-blaue Uniforme und bitte mich mit ihne mitzcho und mir d ID z zeige.

Ich machne klar, dass da kei Sinn hett, weili n brave bin. Mini Ussag wird denn au per Funkgrät bestätigt!

Natürli müend die Moralapostel mir de no klar mache, dases ned di fein Art isch zmitzt ide Nacht so sturzbetrunke armi Fraue azmache.

Ich wehr mich natürli, und erklär ihm, dassi nur hett müesse säge i sell mi verpisse und das si das ganz sicher gwüsst hett! De meint de doch: "Mer mües jo ned grad so chraftusdrück benutze" O_o

Naja, mini Kollege in Schwarz-Blau sind denn gange und ich han ufe Zug welle.

Am 3 am Morge fahre aber kei Züg.

Ich überlegg churz: Aja! Hotel Plantanehof! (Klar, isch au logisch, han jo ned 100 Kollege ide Gegend woni chönnt gratis penne <.<)

Ich lauf abe und lall ins Nachtwächtermikro: "Ich hättt gerrrrn szimmer fürd nachht"

Ligg is Bett.

Fernseh a.

Schlofe.

Am nöchste Morge wotti uschecke. Aber ade Rezeption isch kei Schwein. Ich han a dem Obe nie e Name/Adrässe ageh. Ich hett also chönne s chärtli ufe Trese legge und usemarschiere ->Im Plantanehof chammer gratis penne, wemmer Znacht am 3 ichecket!<-

Naja, ich han denn mitem Telifon ade Rezeption de Stiftin aglütte wo det schafft und mini Rächnig zahlt -> 160 CHF

160 Stutz für 1 Nacht!!! BAH! Defür hani di ganz nacht de fernseh lauffe loh und d stromrächnig ufetribe "MUHAHA"

Jo, das isches eich au scho gsi.

---
50 Franke Getränkecharte
15 Franke Itritt
160 Franke Hotel
---
225 Franke

6 Bier (aka 3 Liter)
3 Glas Sekt (drum chopfweh am nöchste tag)
1 Jägermeister
3 sehr gueti Bacardi Cola
1/2 Sex on the Beach

Parteeey