Glatti Hoor

Hans ma usprobiet ^^

Bzw. d Aline hetts gmacht :D Danke nomol!

Will ich würkli Gamedesigner werde?

Videospiel über Entjungferung

Vor allem d Comments zum Artikel läse ^^

Weekend Recap

Sa/So isch ned vill gloffe... Zocke und Film luege... De Fritig isch au ned soo speziell gsi, aber here it comes:

16.30: Ich muen no es Firewire Kabel boschte für mini neu Cam, eigentli wotti go, aber de Nathaniel (Mitarbeiter) ladt mi no ufes Bier ii.

16.51: Ich hock ide S-Bahn

17.05: Kabel gchauft. Ich lueg mol uf d Uhr... "Fuck, muen jo no n halb Stund warte... hmm... easy, de gohni mo go Bier chauffe..." Ich rächne 1 Bier uf 20 Minute.

17.15: Ich hock mit 3 Bier am Gleis und zock FF3.

18.40: Ich bin dihei. Znacht? Jaja, ane mit... *mampf* Was jetzt? Muen no das Video vode Cam zieh, für was hani susch s Kabel boschtet... han aber no Durst... Hoffentli hetts no Bier... Jackpot!

~19.00: Bin am Filmli schniide, Bier tinke und Marilyn Manson lose, de lütet de Wiler a:
"Was lauft? - Kei ahnig - Was mache mer? - Raiders? - Jo eh, ich telefonier ume" (Das gspröch isch in Wirklichkeit öppe 15 Minute gange mit: mache mer das? Nei das, nei das oder das, nei das... ach ihr kenned das ^^)
Ich tuen also wiiter filmiliere, de chunnt s telifon:
"Hey! - Hey! S hett niemer lust/ziit, aber d steffi/leo sind a somne turnfäscht, det hebs schinds au e bar - k, gömer det ane - Wenn? - Böh - So uf die 9i? - Hmm ja, de nimmi de 10 vor zug, de bini 4 ab in Frick ok? - Isch guet, bis denn"

20.50: Bahnhof Rhyfälde - Verdammt -.- de 51 Zug fahrt nüm um die Ziit... Horay for Boobies! *Wiler alüt*
"Hey! - Hey! - Big Problem! - Hesch ke Bier meh? - Nei, han vergamed, das de Zug um die ziit ned fahrt... Chum erst am 20 vor a - Okay... - Jo gosch is Pub es bierli go neh - Okay."

21.40: Bahnhof Frick - Wiler isch do, ich hol rasch Gäld und mer mached eus ufe Wäg. D Bier woni mitgnoh han werde grad vor de Turnhalle leer, perfekt.
"Ich wott eis rauche und muen go schiffe" also stohni mitem Wiler unteres Dächli und luegem bim rauche zue... Da passiert de glücklichi zuefall:
D Leo und d Steffi laufe usem Gebäude: "Hey! - Hey! - Was machedir do usse? - Mir sind ufem Heiwäg, hetted ned dänkt das ihr no chömed! - Ja jetzt simmer jo do. - Scho, aber d Bar isch voll scheisse, mer sind öppe z dritte det inne gstande! - Egal, de chömmer rächt umesaue!"

Mir gönd also ine. Lauffe amne Berg vo Turner verbi, stige d Stäge abe, ume egge und sehnd d Bar... Tatsächlich, 2 Lüt hinter de Bar, 2 Lüt vor de Bar \o/

Aaaalso, demfall lade mer en Suff. Zur Bar anetaggelet, Blick ufd Charte: "WTF! Rote/Wisse/Grüene Vodka und Bier? Susch nüt? - Ja? - Jo aber ich bruch min Bacardi! Chasch ned schnäll ane Takstell oder so mir e Fläsche hole? - Nei - Bah... Jo also, machsch mr e Wisse Vodka Redbull - Okay"
Er bringts, ich säg danke und gang weg. (Wenni scho ned das krieg wasi will, zahli au ned.

Da's in dere Bar sovill Platz hett, machi de mol no n Burzelbaum.

S wird trunke und sich unterhalte.

Rangverläsig obe ide Turnhalle! "Chum mer gönd go an unpassende Stelle go Juble"

Schnupf gnoh mit Fans vom Turnverein Wittnau.

Zrugg ide Bar, de öppe 5ti VRB: "Hey also sorry, aber dasch jo wohl huere wenig Vodka wod dri gleert hesch! - Pah! De ersti hesch du jo au ned zahlt! - Was? Son Seich! Hm... weisch wa, ich gib dr 10 Stutz (chost normal 8) und defür machsch mr nomol sovill dri! - Okay!" (Gott sind die lüt dumm -.-)

Naja, d Leo euse Schatz hett nüt trunke und fahrt mich an Bahnhof. Ich unterhalt mi non viertelstund mitem Hans, im Chef vom Sunnetaxi, wie profitabel s Taxigschäft doch isch.

Min Zug chunnt.

Ich go hei (wobi i vode Zugfahrt eich nüt meh weiss)

Jo, das isches au scho gsi... s tuet mer Leid, dases dasmol ned sone zämehängende Text isch... aber jo... Au chli n Lahme obe gsi ^^

NEU: Flag Counter

Zuefällig uf sonere DB siite gseh und mi grad verliebt =)

Zu finde unterhalb vode Links, für die wos noni gseh hän.

Neu bide SBB: 2 mal so langi Zugfahrt zum gliche Priis!!!

Statt euch das jetzt do lang und breit z verzelle, wie scheisse min Obig gsi isch, hani dänkt i schrib de SBB es Briefli. Natürli chani eu da ned vorenthalte:

Liebe SBB,

Ich bins mal wieder.

Heute bin ich um 17.11 in Oerlikon in die S-Bahn Richtung Zürich HB gestiegen, da der 17.09 Zug nach (Rheinfelden) Basel ausfiel. Freudig stand ich also am HB Zürich, als ich überall diese gelben und orangen Männchen erblicken durfte. Stutzig warf ich einen Blick auf die Fahrplananzeige, tatsächlich: Der 17.36 Zug fällt aus. Oh Freude, frohlocket!

Ich begebe mich also zu einer nett aussehenden Dame im gelben Warnjäckchen.
"Grüezi, ich sett uf Rhyfälde?" - "Du bisch aber en lustige... öhh... ja, nimmsch de Ersatzzug am halbi und stigsch de in Brugg um" - "Hehe, okay, danke" (nett wie man ist...)

Ich sitze im 17.30 Zug, der mich nach Brugg bringen sollte. Dieser Fährt erst 17.40, nachdem einige Fahrgäste, die eigentlich nach St. Gallen wollten, aber nicht informiert wurden, dass dieser Zug nun nach Bern fährt, ab.

Nach einer Gleisstörung nach Oerlikon (Gerissenes Stromkabel, Gleisstörung, ein Wunder dass die Toiletten funktionieren... Oh halt... nein, ich musste ja durch 3 Wagen spazieren, ehe ich ein funktionierendes Klo fand), bin ich dann um ca. 18.00 in Baden angekommen. Freudig durch den Anblick des (verspäteten) Schnellzuges nach Basel, bin ich ausgestiegen.

Vor der Türe des Zuges, hält mich allerdings ein Westenmann auf: "Mer sind ned sicher, wo de Zug ane fahrt.. d Lüt im Zug meine uf Züri, aber d Leitig seit er fahrt uf Basel".

Langes Warten, nur unterbrochen vom laut aufgedrehten Funkgerät des Informationsbeauftragten Peter (wie der Westenmann anscheinend heisst.) Um 18.20 heisst es dann: "De Zug fahrt nach Züri". Kurz darauf fährt er ab.

Toll. Was jetzt? - Was wohl? Warten!

Ca. 18.25 kommt die Erlösung! Der Zug nach Brugg! Von dort aus ist der Anschluss bestimmt gewährt!

18:35 inzwischen bin ich in Brugg angekommen. Ich stehe in der Mitte des Menschen Auflaufs (mit viel Käse mjam mjam) der Sich um einen weiteren Informations Cowboy gesammelt hat. Auch hier hat man die gelegenheit die heiteren Gespräche am Funkgerät mitzuhören. "Chunnt de Zug?" - "Luut Zentrale scho ja!" - "Ja wenn?" - "Kei Ahnig, gsehnen noni ufem Schirm!".

Naja... Irgendwann, wohl so um 18.45 fährt ein Zug ein "De Fahrt uf Basel! Schnäll all uf Basel ufs nöchste Gleis!"

Da ich lieber auf Rheinfelden möchte bleibe ich stehen. Eine (wie sie später verkündet) 83 Jährige Dame, spurtet mit ihrem kaputten Knie auf s andere Gleis. Der Zug bremst, beschleunigt wieder und fährt durch. Blöd gelaufen, aber das so ein Zug nicht im Bahnhof hält kennt man ja... Ist vor ca. nem Jahr mal bei Brugg passiert... egal...

19.12: Der Schnellzug nach Rheinfelden fährt ein. Freude herrscht!

19.45: Ich bin zu Hause. 3h für einen Weg, der normalerweise 1h 20 Minuten dauert (Tür zu Tür).

Ich hoffe meine Schilderung lässt meinen Ärger über den heutigen Abend deutlich werden. Ich habe es unterdessen akzeptiert, dass mein Zug jeden morgen mind. 3 Minuten verspätung hat, und dass diese nicht als solche deklariert werden müssen, weil es ja "nur" 3 Minuten sind. Aber ich kann nicht einsehen, wie in einem solch grossen etablierten Unternehmen eine Störung an einem Ort, ein multiregionales Netz lahmlegen kann. Oder halt... War da nicht vor 2 Jahren was mit einem Stromausfall? Gings da nicht um schlechte Infrastruktur? - Nevermind, Schnee von Gestern.

Das ganze kommt natürlich (gerne auch mit Ihrer Antwort) auf meinen Blog, zusammen mit einigen Video-Impressionen (Leider nur in Handy Qualität)

Mit freundlichen Grüssen,
Sandro Bollschweiler
www.droeli.com/blog

Unerhört Töricht!

Hüt Mittag ide Kantine isch öppis passiert, womi uf 2783° brocht hett (Siedepunkt vo mim Bluet)...

Erstmal für alli wo ned do schaffe: In eusere Kantine gits jewils 3 Menü, und eis Buffet. Anschinend chamer Sache vom Buffet mit Sache vode Menü kombiniere, solang mer si denoch glich loht lo abwäge...

Also was bassiert isch:

Ich stand, wie jede normale, aständige Mänsch ade Schlange a fürs Menü 3. Ich wär jetzt eigentlich dra, aber de Choch muen zerscht no paar Cordon-Bleu wände und früschi Pommes-Frites hole. Kei Problem, ich will schliesslich gueti War.
Während ich do so friedlich vor mich hi warte, stoht plötzlich eini vor mich ane. Ich nimm a, si stoht fürd Buffetschlange a, wo eigentlich grad noch mir afoht. Kei Problem. Nur, was komisch isch, sie hett scho Fisch und Bohne ufem Täller...

Churz druf frogt si eini: Ou, wottsch du führe? (Sie hett wohl agnoh si hett doch no öppis meh vom Buffet welle hole). Die, ich nenn si mol fetti schwarzgchleideti Schlampe, um sie optimal z beschriebe, verneint und meint: "Nei nei, ich stehe do a" (Bemerkt öpper s gebrochene Dütsch?) und zeigt debi ufd Menü 3 Theke.

Weder en churze Momänt spöter chunnt en Kolleg vo ihre und frogt sie ob sie nomol astoht.... "Nei, ich hol nur noch paar Pommes-Frites".

Mir sälber, platz innerlich unterdesse de Chrage. Es sind hinter mir no 4 Lüt gstande. Die "Dame" isch also ned nur debi mich, nei, au no 4 andri aständig ide Schlange stehendi Persone z beschisse.

Au wenn ich probier immer möglichst pessimistisch z si, um kei Enttüschige erläbe z müesse, glaub ich irgendwie immerno ans guete im Mänsch. Natürlich ned ans guete inere vordrängelnde, gern-mal-mini-chinder-schlohende (nimmi mal a), sozial unfunktionierende Person wie dere. Nei, ich han dänkt, de Monsieur Choch hinterem Trese wird si bestimmt ned bediene oder sie sogar hinde and Schlange schicke. En chline Funke hoffnig blibt immer.

Rotet was passiert? Er nimmt min Täller, will scho mis Ässe druflegge, mis Wältbild isch in Ornig, dr Grächtigkeit isch genüge getan worde.... HALT. De Monsieur Choch aka. Wältbildzerstörer erblickt d Madame 40-Kilo-Zvill und frogt in sinere siedige Stimm: "Was bruched ihr?" - "Nur ein paar Pommes-Frites".

Er nimmt de Täller, füllten und sie goht (bin mir zu dem Zitpunkt nedmol sicher ob sie sich bedankt hett, ich bin i dem Momänt mit hochrotem Chopf am ufe-bode-stampfe gsi. Rumpelstiezlchen-Style).

So wie ichs gsehne hanich 2 Möglichkeite:
1. Ich chum ab sofort nur no Betrunke cho schaffe, dasich sottigi egoistischi, sozial ned integrierbare Persone chan sälber z rächt wiese (Was macht ächt meh idruck? Es "Isch dir Idiot eigentlich klar, das du mit dim vordrängle villne Lüt wertvolli zit chlausch wo sie garantiert vill härter defür schaffe als du, du fetts Stück!" oder "W-w-würde si ächt bitte hinde astoh?")
2. Ich stell en witere Teil vo minere Mänschlichkeit ab und wird zum sich-umeschubselassende Zombie.

Ich wär starch für Option 1...

Sowit s Wort zum Dsistig.
Dröli

Veronika Ornämisch Raphael Ockt Albert Lles

Manuel Ir Hans Änd Herbert Üt Ida N Dario E Patrick Ause Erich Nathan Eui Sabine Proch Egon Nt Walter Icklet. Irené Ch Walter Ott Jasmin Etzt Nathan Ed Erhard Rchläre Wilma Ies Franz Unk Tino Ioniert... Albert Ber Sandro O Sandra Chwer Ingrid Schs Janus A Nathaniel Ed =P

Urs F Joseph Edefall Walter Ill Ida Ch Daniel As Sabine Owit Paul Erfekt Inge Oniere, Barbara Is Ingrid S Frank Lüssig Chasper Han Robert Ede.

Vill Spass bim Enziffere :D

Jello Shot tryout

Han richtig bock di andre 6 auno z ässe :D

Leaked Footage: Watchmen Video Game!

Highlight der Woche

Es git ned vill z säge aber... hach, ich wird gliebt xD

Update: D Amber liked it au :P

cindy wir retten dich !! emo forever

Bahaha Fraue

http://shegeeks.ch/

Wir sind ein lockerer Zusammenschluss von Frauen, die sich beruflich oder als Hobby mit Informatik beschäftigen.

Und si händ en Frame-Siite xD

(An alli ned Geeks wo das läse... Frames z benutze isch.. hm... vorsinnfluetlich ^^)