Wirtschaft: SBB beschäftigt jährlich 322 Mio. Arbeitnehmer. OHNE BEZAHLUNG!

So liebi Blogläser und Mitzugfahrer,

Eusi liebi SBB hett mal weder chräftig in Hafe glänget.

In ihrem offizielle Fan-Heftli (via, Mai 2009, Siite 6), welches ich us langewili gläse han, stoht en sehr interessante Artikel (klick Rächts ufs Bild füre Grossasicht devo) über d Asichte vode SBB zu ihrne Chunde drinne.

Erstmol e churzi Rächtfertigung: Es isch mir bewusst, das de Text vomne Autor vode NZZ und ned direkt vode SBB stammt, da de Text aber ide via stoht, hett da zimmli sehr sicher d PR Abteilig vode SBB zumindest en Blick dri gworfe. Da de Artikel ned abglehnt worde isch, stimmt d SBB dem also zue.

So. De Walti W. frogt ide Kollumne: "Fragen Sie van Rooijen" ob mer ächt sell ufhöre telefoniere, wenn de Kondukteur s Billet will gseh.

D Antwort do druf isch jetzt aber ned nur unerhöhrt sondern au unlogisch.

Im erste Teil dueni gern zuestimme: De Kondukteur seit aständig Grüezi und bedankt sich fürs Billet zeige, de chamer sovill Astand zeige und s Gspröch unterbräche.

Jetzt wirds aber absurd.

"Der Chef im Zug ist für die Dauer Ihrer Reise ihr Vorgesetzter."

"Sie hören ja im Büro auch mit dem Nasenbohren auf, wenn der Chef reinkommt[...]"

Sobald ich also Zugfahr, wird de ZugCHEF min Vorgsetzte... Wie muen ich das jetzt gseh? Schwarzarbet (ich han da emel no nie de Stüüre ageh, dasi täglich 2 Stund im Zug schaffe) ohni bezahlig? Irgendwie hani au nie mis Iverständnis dezue geh... Isch das denn Sklaverei? Mich wunderets im Ernst was de van Rooijen sich bi dene Sätz dänkt hett.

Wahrschindlich spieglet das eifach s Monopoldänke vode SBB wider:
MIR biete euch d Bahn, defür...
... zahled eusi übertüürete Tickets.
... ignorieret die Regelmässige verspötige, wo mir sälte als solchi abbuechet.
... sind ihr eusi Bimbos!

Ich hoffe mer ghört mini Entrüschtig es bizli use... Ich mein, verstönd mich ned falsch, de Kondukteur brucht klar en gwüssi Autorität und isch für d Ihaltig vode Regle im Zug (Kei Schueh ufd Polster, Schnauze im Ruheabteil, Gültigs Billet) verantwortlich. Aber es chan wohl ned si, das ich, wennich e Dienstleistig bezieh für tüürs gäld, dasi denn vom Dienstleister bevormundet wirde und mini Reis nach sine Vorstellige muen führe, obwohl ich eigentlich keinerlei vo de veribarte Regle bräche würd! Astand schön und guet, aber sone Befehlsufforderig chömmer eus ned büüte loh!

Ich hoff das mini Anahm falsch gsi und das nur e unbearbeitete Bitrag vomene Unbeteiligte gsi isch, wo d Meinig vode SBB ned widerspieglet.

Btw: 322 Mio Arbeitnehmer: http://mct.sbb.ch/mct/konzern.htm

Herzliche Glückwunsch

Au wenns 2.5h z spoot isch: Herzlcihe Glückwunsch liebe Blog!!

Mer händ alli (emel die 7 lüüt wo ume gsi sind) zu dine ehre gsunge und gsoffe!

Naja, mer chönnt sogar säge si händ dir zu ehre e Fuessballturnier verastaltet!

Au wenn dir Fuessball scheiss egal isch liebe Blog, so isches doch n grossi Ehr, das Hunderti vo lüüt zämecho sind, nur um dich z ehre.

Naja, bim Bier und Wii hämmer denn gmerkt, daes usser dich und fraue nüt wichtigers uf dr Wält git. Danke Blog, das du eus immer so flissig unterhaltisch <3 (mooomänt.. wieso schrib isch da? isch da ned d ufgab vode Blog-Läser?)

<3-liche Glückwunsch zum geschribseltag. Ich hoff all wüsseds ds schätze :D

En Post über s schisse

Was ich mir mal vor längerem zum Ziel gsetzt han, isch bim schisse e wurscht usezdrucke, wo vom Arschloch bis is Wasser hänkt... hans scho paarmol probiert, aber nie anekriegt... Drucktechnisch isch das schwierig... Git mer z vill druck, chan de Darm ned gnue Material nocheschiebe und d Wurst risst ab, git mer z wenig Druck, macht eim d schwerchraft n strich durd rächnig und si risst au ab...

Naja, de Sinn vom Post isch eigentli... Händ ihr auscho ähnlichs oder s villicht sogar s gliche probiert? :D Tipps?

Verdammti Stifte

Ich
Stiftin

lütet s telifon
ich nimm ab
30 sekunde warteschlangemusig
denne
hallo
ja hallo
wer isch denn do?
de sandro bollschwiler
was brucheder?
händir do aglütte?
nei du hesch aglütte
nei ich hane anderi nummere gwählt
aha
okay, schöne tag
ja

*tuut tuut tuut*

Plants vs Zombies!

Plants vs. Zobies isch es hammergeils Game usem Hause PopCap.

Es goht drum: En Zombiesüüch isch usbroche, und du muesch din Vorgarte, din Garte und dis Dach vor de böse Zombies beschütze.

Doch wie? Jede hett sich die Frog schomol gstellt, was mache, wenn e Zombieoffensive uf mis Huus zuelauft??

Das Game zeigt d Lösig: Pflanze! Mit Hilfe vo Sunneblueme wird Sunneenergie erzügt, wo Erbseverschüssendi Erbsestrücher betriebt. Mit dem und andere raffinierte rein biologische Kampfstoff (lol) verteidigt mer sich also geg villi verschidni Arte vo Zombies.

Ufe erst Blick mag sich das jetzt lächerlich ahöre... aber hey! Probierets us! Ich hans am Samstig Nomitag am 1 bicho, am halbi 7ni am Sunntigmorge hanis usgmacht. Han bis jetzt noni gschlofe :D

Abetür Modus einisch duregspilt und fasch all Minigames/Puzzles (wie z.B. BeGUHLed (PopCap hett ja au Bejeweled entwicklet :D). *stolz*

Zum eu chli uf di "härzig" Grafik istimme, hani do no de Link zum... hmm.. öh... Werbe-Musig-Video :D "A music video starring some plants and some zombies"

Aluege, spili bsorge, zocke! Daschn Befehl! (Git anschinend sogar e free Trial! hani aber noni usprobiert)

Blog Geburtstag

Akündigung vonre wundertolle Sach!

Am 23.5. wird min supertolle Blog, wonir alli so (meh oder weniger) flissig läsed 3 Jöhrig!

Würd gern was tolls mache dezue... Han dänkt sone Art Bierlauf wie letscht johr scho (han ja dejährig z Basel weder verpasst -.-) und all wo uftauche kriege es Tshirt :D

Was halteter devo?

Funny Random Fact

D S1 vo Frick nach Basel, wo 06:52 abfahrt chunnt _IMMER_ vorem Interregio vo Basel nach Züri Flughafe, wo 06:51 abfahrt, in Rhyfälde a.