Ändli ändli ändli, hani mini Gallery Problem glöst. D Bilder sind online!
Da no e churzi zämefassi vode Ereignis vo mine Summerferie:
Tunesie:Nachme agnähm churze Flug, simmer in Bus richtig Hotel gstige, d Stimmig isch SUPER gsi, bis de Mate (so händ d "Betreuer" gheisse) gmeint hett: Ja, mer fahre jetzt 3 h...
Super Sach gsi... uf jedefall simmer denn so um die kA... 10ni, 11i im Henry Village acho. Det simmer denn erstma zämegschisse worde, womer eusi koffere händ welle usem Car neh.. Defür händs eus e Welcome Drink ind Hand drückt. Hami so benutzt gfühlt :(
Naja, si händ de extra für eus nomol s restaurant ufgmacht, und mir händ chli Pizza ineboge. De Tag isch de au nüm vill gloffe, paar bierli...
Am nöchste Tag (das isch denn glaub de Sunntig gsi) hämmer eus fürs Red Bull Partyschiff agmolde. Und weil mer grad scho det gstande sind, hett eus de Bechir auno grad e usfahrt mitem Quad abotte. Gern doch!
Das hämmer denn au no am gliche Tag gmacht, und s isch echt Saugeil gsi. Mer händ de mit de Quads no a somne Ehre-Friedhof für toti Franzose ghalte... Zitat vom "Reiseleiter":
"Die Franzosen hier wurden alle vom Hitler niedergemetzelt, war ein korrekter Mann"
Nöchste Stop isch e Beiz gsi, womer kei Bier bicho händ! (Isch ja ned so, als wäri ned eh scho atrunke gsi woni uf da Quad gstige bin!!! Dammi siech)
De simme ufe riese Piste/Fäld/Sandbank, kA gange... Det hämmer de Gashebel so richtig chönne duredrücke. Andersch geil!
Uf de heifahrt am Strand entlang, hani denn ma churz ufd siite gluegt, weder noch vorne gluegt und e Vollstopp müesse risse! Isch mr gopferdammi 10 cm voredra e 5 jährige Saugoof duregsecklet... Naja, isch zum Glück nüt passiert... aber die Eltere sind ja wohl verantwortigslos gsi ^^
Am obe hämmer de s erst mol so rischtig gas geh :D Bimer nüm sicher, aber i glaub s isch Wiesngaudi gsi... All Östricher in Lederhosn und Dirndl... Naja, mir sind halt de Uncool gsi ^^
Am nöchste Tag isch de s Red Bull Partyschiff dra gsi! Am 2 am nomitag hämmer eus füre Stündli in Bus gsetzt, sind losgfahre und de irgendwenn acho.
De hämmer natürli no uf di andre Büs müesse warte... Denoch no bis si s boot ablegebereit gha händ.... Aber denn hetts gsprütze wiise usem Sprützchännli und Vodka (wiis) und Red Bull zum abwinke geh! Nach 2 Stund bini de au zu House am tanze gsi. Isch würkli super abgange... nur d schlange vorem Männerwc isch chli lang gsi... dementsprächend dringend hani de au im Bus ufs wc müesse... Nur hett de kei gha... Naja, hani halt e knote dri gmacht.
Scho hämmer Stagdien, de verchehrti Tag, wos am 12i Essenabend am 18ni Essenmittag und am12i znacht Essenmorgen git... Am Strand isch denn sones Kerli verbi gloffe und hett Strandchleider verchauft... de bini halt schnäll ane, hanen uf d hälfti vom Priis abeghandlet und bin stolze besitzer vomne Super chleidli gsi (isch natürli dokumentiert ide
Gallery)
Am Obig hami denn schön gmacht, ein hinter d Binde gosse und han de 2ti Platz im Worst-Dressed-Contest gwunne :D -> 5 mate dollars -> S Clubshirt 5? günstiger \o/
De Rässcht vode Wuche isch ehrlichgseit chli verschwumme... han halt glernt, dases effektiver isch immer grad 3 bier ufs mol z neh, und das de Bacardi-Cola besser fahrt, wemmer halt n dopplete oder 3fache nimmt :D
Aber am dunnstig hani denn no Aerobic für mi entdeckt! Git Föteli und es Video, bimer aber ned sicher, ob da video fürd öffentlichkeit bestimmt setti si ^^
Uf jederfall, super sach gsi in Tunesie!
Bis uf d Heifahrt... die isch de au um die 8 Stund gange... Naja egal!
Prag:Jo, Prag... was chamer über Prag säge?
Prag isch n geili Stadt, mitme Puff an jedre Strosseegge, mit günstigem Alkohol und schöne Fraue!
Mer meint jo eich: Ostland -> Dräckig... Ischs aber gar ned... Mer chunnt sich vor wie z Züri, nur mit chli meh Touriste. Naja guet, im Hostel ischs de scho chli abartig dräckig gsi, aber ich bin mehrmols aghalte worde ich sell mi gopferdammi nüm drüber beschwere... (aber da chüssi isch echt huere grusig brun verschwitzt gsi...)
Also fange mer mol a...:
1. Tag, mir chöme a, gönd is Zimmer, gönd ad Bar, d Bar macht aber erst am 4i uf, gönd de also uf empfählig vode Rezeptionistin in Biergarte. S Pint döt, chostet ganzi 28 Czech Crowns!!!!!!!! Huere tür oder??? Das sind sage und schreibe 1.70 Chf \o/
Dementsprächend hämmer au um die 3-4 liiter inegloh :D
Liecht schwankend simmer de in Italiäner gegenüber vom Hostel... De hett sogar chönne grüezi säge und d Pizza isch super gsi! S Bier det hett de öppe s doppelte gchost, hett mer aber chönne verträtte, weiler immer brav nochegschänkt hett.
Was mer denoch gmacht händ, weissi trotz kafi irgendwie nüm... Sind wohl no dur paar bars ide nöchi zoge... kaaai ahnig.
Am nöchste Tag simmer denn sovill i weiss chli durd Stadt zottlet... S Foltermuseum go aluege und mit hübsche Serviertöchtere go föteli mache (huhu Teresa).
Am Obe hämmer weder traditionsmässig de Italiäner ufgsuecht, afo Bierle, Pizza gässe, und Kafi trunke (emel iich). Denoch weder id Hostel bar. Det hämmer denn (sovill i mi chan erinnere) mit paar ängländer/inne, australier/inne, amis/inne gschnurrt und denn entschide, das mer in mac gönd. Usem Mac isch denn zersch d Tankstell und aschliessend es Pub worde. S Pub isch de aber grad am zuemache gsi, also ischs es anders Pub worde. Det hämmer de no paar Tscheche kenneglernt. Die händ eus denn inen Club mitgnoh... Irgendwenn bini denn so am 6i am morge, nachem Sunneufgang is näscht gheit.
Irgend sone dubel hett mi de natürli am 10ni müesse wecke...
Naja, was isch a dem Tag gsi? Mer sind glaub is grosse 200 läse (omg) gschäft gange und händ chli chleider agluegt und tierli töt--gstreichlet...
Zobe isch was agstande? Oh ja, zersch italiäner und nachane Pub Crawl. Pub Crawl heisst sovill wie zerschma e stund Free Beer ide Hostelbar und denoch dur 4 Pubs und am schluss in ein Club. S hett überall so für ei Bier glanget. Im Biergarte hämmer auno verbi glueget und sind mitem Drämmli schwarz gfahre \o/
De Club am schluss isch ganz super gsi... Isch Gabber gloffe.. I han das jo früener gloset, aber det ischs de nüm sooo de hammer gsi...
S Taxi hett eus de irgendwenn is Hotel zrugg brocht.
Nöchst tag...öhm jo... Sovill i weiss simmer nomol in 200 store mall gange und händ det froid gha. Am obe hämmer de id Pädo Disko welle (die heisst so, weil mer döt super Pädophili chan ufrisse... was mer so alles lernt...) Naja, mir sind de so uf die 10ni/11i oder so dete gsi und s isch rächt leer gsi...
Ich han scho paar pierli intus gha, also ischs mer rächt egal gsi, und i bin voll am abschüttle gsi :D
Di andre händ de ned so bock gha... debi flüsst de alkohol sovill besser, wennd di chli bewegsch :D
De Peach isch ja schomol in Prag gsi, und hett de au gmeint, er kenni do sones lokal, womer super chönn suffe... also simmer denn det ane gange. Oh wunder, s isch e Füdlischuppe gsi :D
Aber halt?!! Jedermann weiss, im StripClub chost s Bier 20 Franke und de Chämpis muesch gar ned erst aluege!
Aber ned in Prag! E Fläsche Vodka mit 6 RedBull chostet ganzi 1000 Czech Crowns! Also 60 Franke!! Undänkbar.
Nach dr erste Fläsche hani de au scho schlappgmacht und zuegluegt wie die andere no e zweiti gchöpft händ :D
Früsch motiviert, hämmer denn entschide, das de Obig no Jung isch und sind is Darling. S Darling isch... öh... The biggest and greatest NightClub in Europe (luut eigewerbig). Ja isch de au schön drin gsi... Nur d Tabledances sind mer de mit 1000 Stutz each (also chrone) chli ufs portemonnaie gschlage :D Egal, bizli öppis hani jo weder inegholt, woni dr einte Nutte es schnupfdösli verchauft han :D.
S Taxi hett eus de heibrocht, und woni am 11i fürs uschecke gweckt worde bi bini na rotzezue gsi... mir sind de direkt an Flughafe und händ det 7 Stund ufs Flugi gwartet.
So, jetzt sind mini Finger wund und ich sett na was schaffe. Comments werde moderiert ;)
